Que facer en Galicia do 6 ao 12 de setembro

Romaría da Nosa Señora da Barca. Muxía

A romaría de  Nosa Señora da Barca, en Muxía, é unha das máis importantes e de maior tradición de Galicia. A Santa non protexe contra ningún mal en concreto, senón que debe a súa popularidade a que concede todo aquel favor que lle sexa solicitado con fe. Este ano, as festas terán lugar do 10 ao 13 de setembro. Festa declarada de Interese Turístico Nacional.

É tradicional cumprir cos ritos da  Pedra dos Cadrís e da Pedra de Abalar, ás que se atribúen propiedades  curativas.

Danzas Ancestrais de Darbo. Cangas

Festa de Interese Turístico que se celebra na parroquia de Darbo, no concello de Cangas. E, aínda que este ano non se celebran, queremos lembralas xa que están consideradas como unha das máis afamadas de todas as Rías Baixas sendo un exemplo da mellor tradición de  romaría. A festa consiste en misa, procesión e baile tradicional Danza e Contradanza diante da imaxe da Virxe. 

Esta danza remóntase ao século  XVI e báilase para dar grazas á Virxe polos favores recibidos durante o ano. 

Festival da Luz 2021. Boimorto

Do 10 ao 12 de setembro celébrase en Boimorto uno dos Festivais máis esperados do verán.

Un total de vinte e dous artistas dunha diversidade de estilos musicais daranse cita os próximos días 10, 11 e 12 de setembro en Boimorto, que acollerá unha nova edición do festival solidario impulsado por Luz Casal, natural do municipio coruñés.

Coque Malla, Nil Moliner e Estrella Morente figuran no cartel de esta edición. Os fondos que se recaden coa venda de entradas doaránse á Cruz Vermella Galicia e á Fundación Andrea, unha institución con sede en Santiago de Compostela que axuda de maneira altruísta aos nenos hospitalizados e ás súas familias.

https://www.festivaldelaluz.es/

Festival Primavera de Cinema. Vigo

O evento terá lugar en Vigo do martes 7 ao domingo 12 de setembro.

O festival, que este ano celebra o seu décimo aniversario, celébrase no mes de setembro, como algún dos principais certames cinematográficos da provincia de Pontevedra formando así un circuíto que comezará co Festival de Cans, continuará co Primavera do Cinema e seguirá co  FIC Bueu e Play-Doc.

As proxeccións da sección oficial sometida a premio de público e de xurado terán lugar no Auditorio Municipal do Concello e, no caso das curtametraxes, no museo MARCO; estas veñen sendo as principais sedes do festival en toda a súa traxectoria.

https:// primaveradocine. com/