Pensado para ser gozado en solitario, en parella, con amigos ou en familia, e co aliciente engadido –e especialmente valorado nestes tempos de  covid- de convidarnos a descubrir espazos pouco concorridos, o Outono Gastronómico volve poñer ao noso alcance unha ampla oferta de propostas que van desde o Menú Outono Gastronómico ao Outono Plus pasando polo Paquete Outono Gastronómico, a Fin de Semana Outono Gastronómico e a Fin de Semana Familiar Outono Gastronómico. 

A iniciativa desenvolverase do 11 de setembro ao 13 de decembro nun total de 70 establecementos das catro provincias galegas (19 na Coruña e outros tantos en Lugo, e 16 en Ourense e igual número en Pontevedra), o que permitirá aos participantes escoller entre alternativas diseminadas por todo o territorio da comunidade e deixarse envolver pola maxia das paisaxes costeiras, as zonas de bosques e montañas, os espazos fluviais ou as áreas vitivinícolas, entre outros lugares diversos. 

O Menú Outono Gastronómico permite optar entre dous menús diferentes, que en ámbolos dous casos inclúen un entrante, primeiro e segundo prato, sobremesa e viño dunha denominación de orixe galega. O seu prezo é de 30 euros por persoa. O Paquete Outono Gastronómico súmalle á proposta anterior unha estancia dunha noite no establecemento de turismo rural elixido e o almorzo da mañá seguinte. Neste caso o prezo total é de 80 euros para 1 persoa en cuarto individual e de 120 para dúas persoas en cuarto dobre. Se o que desexa é gozar de dúas noites e dous menús entón pode optar pola Fin de Semana Outono Gastronómico, cuxo prezo é de 140 euros (individual) ou de 200 (dúas persoas) e se vai facelo en familia entón pode decantarse pola Fin de Semana Familiar Outono Gastronómico, que inclúe menús adaptados para os menores de 14 anos e cuxos prezos son de 260 euros (dous adultos e un neno) ou 300 euros (dous adultos e dous nenos).

Ademais, unha vintena dos establecementos adheridos a esta iniciativa van un paso máis aló e ás ofertas anteriores suman a posibilidade de gozar tamén de actividades tan interesantes como rutas de sendeirismo, excursións a cabalo, descensos en rafting, observacións astronómicas e visitas a adegas, entre outras.

Se queres acceder a toda a información sobre esta nova edición do  Outono Gastronómico e coñecer os establecementos participantes e as súas ofertas de menús e actividades podes facelo visitando a ligazón https://www.turismo.gal/que-facer/outono-gastronomico?langId=gl_ES

Empeza setembro e vese asomar xa a chegada do outono. E para que a volta á rutina non se faga tan dura suxerímosche que te unas ao Outono Gastronómico.

Que non sabes como funciona? Aquí explicámoscho todo.

Poderás elixir entre case 90 establecementos de Turismo Rural das catro provincias galegas para pasar unha fin de semana do 13 de setembro ao 15 de decembro con ofertas especiais, entre as que se inclúen diferentes menús elaborados con produtos galegos de tempada.

Tras 12 anos consolidando este circuíto, no 12+1 preséntanse novidades. Falamos do Outono Plus, co que, como complemento, poderás realizar actividades desde os establecementos de turismo rural participantes. Paseos a cabalo, roteiros de sendeirismo, visitas a adegas con catas de viño, ou termalismo son algunhas das opcións entres as que poderás elixir. 

O turismo rural envórcase así con este iniciativa da Xunta de Galicia, preparando cada establecemento dous menús concibidos exclusivamente para a ocasión. Carnes de matanza, cogomelos, castañas, galo de curral de Vila de Cruces, tenreira galega,  grelos, e moitos máis produtos acompañados dos mellores caldos de nosas D.O.

Na provincia da Coruña poderás elixir entre 24 establecementos onde aloxarte, converténdose na de maior oferta. Pontevedra e Ourense contan con 20 casas participantes cada unha, e na provincia de Lugo poderás escoller entre 22. 

Se queres afastarte da cidade durante un par de días, este é o teu momento. Volveraste atopar coa natureza e a gastronomía tradicional galega dunha maneira diferente. 

Unha noite, a fin de semana completa, en parella, con fillos, con amigos,  Outono Gastronómico ofréceche infinidade de posibilidades. 

Máis de 64.000 persoas gozaron xa desta iniciativa nos últimos anos. E ti, apúntaste a pasar un outono diferente?

Poderás consultar todos os aloxamentos e ofertas aquí.