Magosto en Ourense

11 de novembro. Ourense

Despois de varios días de festexos, o Magosto ourensán toca a súa fin o luns 11, día de San Martiño, con degustación de castañas, animación nas rúas e a música dos de Abaixo. Será a última oportunidade de gozar este anodesa festa declarada de interese turístico.

Máis información aquí

San Martiño

11 de novembro. Moaña

As celebracións na honra a San Martiño estendéronse durante a fin de semana por toda Galicia, pero o día central dos actos será o luns 11. Os actos relixiosos, as actuacións musicais e outras propostas diversas sucederanse durante toda a xornada en localidades como Moaña, onde este festexo goza da consideración de festa de interese turístico.

Magosto no Gaiás

16 de novembro. Santiago de Compostela

A Cidade da Cultura celebrará o sábado 16 o seu propio magosto. A tradicional degustación de castañas (tanto asadas como en diferentes petiscos) dará paso á actuación do gaiteiro Anxo Lorenzo.

Máis información aquí

Festival de Jazz de Lugo

Ata o 16 de novembro. Lugo

Os concertos da vixésimo novena edición do Festival de Jazz de Lugo proseguirán durante toda a semana. Carola Ortiz Quartet e Airelle Besson Quartet (luns 11),  Karrin Allyson (martes 12), The Dirty Dozen Brass Band (mércores 13), Ron Carter Foursight” Quartet (xoves 14), Larry Goldings, Peter Bernstein & Bill Stewart (venres 15) e  Naughty Professor, Wealman e Paris Monster (sábado 16) poñerán a música.

Máis información aquí

Cogomelos e castañas

16 e 17 de novembro. Varios municipios

As castañas e os cogomelos seguen demostrando que son as raíñas da gastronomía outonal en Galicia. Esta fin de semana celebraranse magostos e xornadas micolóxicas en numerosos municipios de Galicia. Consulta as axendas de actos da túa zona e súmate a estas saborosas propostas.  

Cineuropa

Toda a semana. Santiago de Compostela

As proxeccións do festival Cineuropa proseguirán durante toda a semana en diversos puntos de Santiago de Compostela como o Teatro Principal, o Salón Teatro, Cinema  Numax, os Multicines Compostela e o Museo das Peregrinacións.

Máis información aquí

Magosto en Ourense

Do 8 ao 11 de novembro. Ourense

O Magosto é unha das celebracións máis emblemáticas da cidade de Ourense. De feito, foi declarada Festa de interese turístico. Este ano o programa que se desenvolverá desde o xoves ata o luns da próxima semana inclúe unha vintena de actividades, entre as que destacan os concertos de Brañas Folk,  Susane Seivane, Leilía e Os de Abaixo.

Máis información aquí

San Martiño en Moaña

9, 10 e 11 de novembro. Moaña

A localidade pontevedresa de Moaña disponse xa a honrar ao seu patrón, San Martiño, cunha festa declarada de interese turístico. O día grande será o vindeiro luns, pero durante a fin de semana celebraranse xa diversos actos, incluídos os dedicados á Virxe do Carme. Haberá actuacións musicais e magostos.

Máis información aquí

Cineuropa

A partir do 7 de novembro. Santiago de Compostela

A 33 edición do festival Cineuropa chega con algunhas novidades tanto organizativas como de contido. Os documentais terán unha maior presenza na programación, os filmes de animación dispoñerán dunha sección propia (Animeuropa) e a porcentaxe de obras dirixidas por mulleres crecerá ata o 40%.

Máis información aquí

Festival de Jazz de Lugo

Do 9 ao 16 de novembro. Lugo

O jazz regresa esta semana á cidade da Muralla co arranque dun festival que está a piques de cumprir tres décadas de vida. Andrea  Motis Quintet (sábado 9) e Projecto Miño, o grupo encabezado por Baldo Martínez (domingo 10), serán os encargados de poñer a música esta fin de semana.

Máis información aquí

Outono Códax Festival

9 de novembro. Santiago de Compostela

A novena edición deste festival consagrado á música negra ofrece unha sesión dobre este sábado. En horario matinal haberá unha charla coloquio e unha sesión vermú e xa pola noite será a quenda de The Reverend Shawn Amos & The Brotherhood e Los  Torontos.

Máis información aquí

Hoxe falaremos dunha desas tradicións de outono da nosa terra que fai que, cada ano, todos esteamos a esperar con ganas esta época: o magosto.

Trátase dunha festa con gran tradición no norte da Península Ibérica na que as castañas e o lume son os grandes protagonistas. Adóitase celebrar nas dúas primeiras semanas do mes de novembro e, nestas reunións, cánticos, bailes, contos e xogos populares adoitan acompañar a degustación deste manxar..

E é que se xa só o cheiro das castañas asadas é irresistible, o sabor é un auténtico agasallo da natureza. É por iso que o magosto se enche de xente que, cornete quentiño en man, quere celebrar a fin do verán e o inicio dos meses fríos.

Aínda que a súa orixe débese ao desexo das xentes dos pobos de celebrar que a colleita chegara ao seu fin, o certo é que hai quen atribúe a esta festa unha orixe moito máis máxica. Xa se sabe: en Galicia temos lendas para todo. Para isto, tamén. O caso é que contan que este froito simboliza a alma das persoas falecidas e que para liberar unha alma do purgatorio, durante a celebración do magosto había que botar ao lume unha castaña e comela despois. O escritor Manuel Murguía xa asociaba nos seus escritos este froito coa morte e o viño novo co paso a outra vida. Quen sabe…

O certo é que estamos ante unha tradición fondamente arraigada en Galicia. E non é de estrañar, xa que esta é unha terra chea de castiñeiros.

Á marxe disto, e como curiosidade: sabes de onde procede esta árbore? Foron os romanos os primeiros que os trouxeron a Galicia e, ademais de ocupar rapidamente toda a comunidade, o certo é que o clima e a terra favoreceron este tipo de plantacións, converténdoas nunha das máis produtivas. Tanto, que durante anos as castañas formaban parte importante da alimentación dos galegos, perdendo algo de importancia coa chegada da pataca e outros alimentos de América.

Pero volvamos á festa…

Aínda que o magosto se celebra en toda Galicia, é especialmente coñecido no sur de Lugo e en Ourense. Precisamente aquí, fan coincidir o magosto coa celebración do San Martiño, o que fixo que recibise o distintivo de Festa de Interese Turístico de Galicia.

Polo demais, pouco ou nada cambiou nesta celebración co paso dos anos…

Inicialmente, ao menú de castañas asadas desta festa sumábanse os chourizos do país e o viño da nova colleita e, ademais, celebrábase no monte. Hoxe en día celébrase en casas particulares ou en calquera outro lugar.

Pero eses, ao final, son detalles de pouca importancia. O importante é celebrar e manter a tradición.