Cortegada atópase a tres cuartos de hora en coche da capital provincial ourensá. É unha pequena vila de apenas 1.100 habitantes, recollida e apracible, con rúas estreitas que descenden pouco a pouco cara ao río Miño. Alí viviu os seus últimos anos o escritor Fermín Bouza Brey.

A existencia de augas mineiromedicinais na zona coñécese desde hai séculos e atopáronse documentos datados no século XV que as mencionan, relacionándoas coas propiedades do daquela poderoso mosteiro de Celanova. Mais foi no século XIX cando o termalismo se converteu nunha forma de turismo especialmente apreciada polas clases acomodadas, e tamén polos que, sen selo tanto, buscaban remedios para enfermidades ou simplemente para o cansazo dunha vida dura.

Nesta época, as pozas termais de Cortegada eran pouco máis que fontes que canalizaban as augas medicinais, aínda que co tempo foron instalándose casetas para acoller ao público que acudía principalmente nos meses de verán. En inverno, estas estruturas efémeras desmontábanse e agardaban almacenadas ata o inicio dunha nova temporada. A finais do XIX, cando máis auxe alcanzou o fenómeno termal, chegou a construírse un edificio, que acabou danado polas correntes do Miño.

O sucesor tería que esperar a que o vento da historia fose propicio. Foi finalizado en 1937, e disto dá fe un acusado aspecto art decó. Trátase dun edificio feito en formigón no que destaca a decoración exterior, principalmente o frontón que adorna a parte superior da porta. A terraza está literalmente colgada sobre o Miño, voando sobre a auga e, en certas épocas do ano, practicamente flota sobre ela. Non foi sempre así, posto que o nivel da corrente subiu de xeito considerable co levantamento nos anos sesenta do pasado século do encoro de Frieira, augas abaixo, no límite entre as provincias de Ourense e Pontevedra e xa case na fronteira con Portugal. O antigo baño de Cortegada atraía fundamentalmente a clientes chegados da contorna, e nunca alcanzou a fama doutros balnearios coma o de Mondariz ou o da Toxa, pese á riqueza e fermosura da natureza que o rodea.

O edificio contemporáneo, inaugurado hai uns anos, sitúase canda unha das primeiras construcións, feita en 1818 para aproveitar os chamados baños do monte, que abrollan na aba por enriba do balneario de 1937. É un establecemento moderno, con instalacións de última xeración. Para poñelo en funcionamento houbo, en primeiro lugar, que recuperar o manancial orixinal, estragado polas riadas e o encoro, captándoo cunha cata a seis metros de profundidade. As augas son, segundo explica a empresa xestora do complexo, sulfuradas, bicarbonatadas, fluoradas, sódicas e litínicas, e saen do subsolo a unha temperatura de 26 graos centígrados. Son beneficiosas para enfermidades da pel, do aparello dixestivo e do fígado.

Por sorte para todos os amantes de Galicia, nesta rexión contamos con varios trens turísticos que integran cultura, natureza, historia e experiencias únicas.

Este pasado fin de semana, tivemos a oportunidade de descubrir unha delas: A ruta termal e do Camiño norte que parte desde a estación de trens da Coruña. Con tres traxectos crave e seis puntos destacados diferentes, velaquí o que o viaxeiro se atopará na mesma.

1.Tres agradables traxectos en tren. Á primeira hora da mañá desde A Coruña a Guitiriz, antes da comida de Guitiriz a Lugo e regreso de Lugo á Coruña a última hora da tarde. Inclúe traslados en autobús aos principais puntos de interese da ruta e o servizo dun guía acompañante durante toda a xornada.

2.Unha hora e media no Balneario e Club de golf de Guitiriz, cuxas augas dise gozan de propiedades curativas e que está rodeado por un bosque espectacular.

3.Unha visita guiada á capela de Santo Alberte en Guitiriz, unha construción de estilo gótico que data do século XIII.

4.Unha ruta de sendeirismo de 2 quilómetros ao longo dunha das últimas etapas do Camiño de Santiago Norte entre Baamonde e Sobrado dos Monxes, na que se pode apreciar a frondosa vexetación que caracteriza a Galicia.

5.Un paseo pola cidade de Lugo, que inclúe visitas á súa catedral, centro histórico e prazas emblemáticas ademais da entrada a dous museos de recente apertura que axudarán aos visitantes para comprender o pasado romano desta cidade, Lucus Augusta, e como esta se desenvolveu a partir dun campamento romano da sexta lexión fai un dous mil anos.

• Centro de Interpretación da Muralla
• Casa dos Mosaicos

6.Unha pequena ruta polas súas murallas, Patrimonio Mundial da Unesco, á tardiña para finalizar o percorrido.

Con tal variedade de experiencias, presentadas nun completo paquete turístico, estamos seguros que todos os visitantes que se animen, pronto poñerán as súas miras na próxima expedición. Nunca foi tan sinxelo coñecer a diversidade de Galicia!

www.aworldtotravel.com

Guardar

Guardar

Guardar

Guardar

Guardar

Guardar