Se estás a pensar nunha escapada diferente, este é o plan perfecto: natureza, gastronomía, cultura… e un fenómeno astronómico que só uns poucos lugares do mundo poderán gozar na súa totalidade.

Unha experiencia única no mundo

A eclipse terá lugar ao final da tarde, co Sol moi baixo no horizonte oeste. Isto converte Galicia nun destino privilexiado, xa que moitas das súas praias, miradoiros e cantís ofrecen vistas despexadas cara ao océano, o escenario ideal para observalo.

Nalgúns puntos, o fenómeno prolongarase ata pouco antes da posta de sol, creando unha atmosfera máxica na que a luz cambiará, a temperatura descenderá e a paisaxe transformarase por completo.

Mellores lugares para gozar da eclipse

Para gozar ao máximo da eclipse hai unha clave fundamental: escoller ben o lugar.

A Coruña
Provincia cunha clara presenza de totalidade. A cidade da Coruña atópase dentro da franxa de totalidade, igual que moitos concellos da área metropolitana e do norte e interior. No suroeste e nalgunhas zonas costeiras a eclipse será parcial.

Lugo
É a provincia galega con maior presenza da franxa de totalidade. A maior parte do territorio, incluída a capital, poderá gozar da eclipse total.

Ourense
Provincia de contraste: predomina a eclipse parcial con totalidade nalgúns concellos. Esta concéntrase especialmente no leste e sueste (Valdeorras e zonas de montaña), mentres que na cidade de Ourense e en gran parte do resto do territorio o eclipse será parcial.

Pontevedra
Predomina a eclipse parcial, con totalidade só en concellos concretos do interior. Na maior parte da provincia a magnitude será moi alta, aínda que sen chegar á totalidade.

Nesta ligazón poderás acceder a un mapa interactivo que che permitirá comprobar, concello a concello, desde onde ver a eclipse (total ou parcial) e en que franxa horaria.

Moito máis ca un eclipse

Planificar a túa viaxe para o eclipse é tamén a escusa perfecta para descubrir Galicia no verán:

• Praias infinitas: desde areais urbanos ata calas agochadas
• Gastronomía: mariscos, peixes e viños con denominación de orixe
• Natureza: rutas, parques naturais e paisaxes únicas
• Cultura e tradición: festas, patrimonio e vilas con encanto

Imaxina rematar o día cunha posta de sol eclipsada e unha cea fronte ao mar. Difícil mellorar unhas vacacións de verán. Agardámoste!

A empresa GALICIA ILUSIONA S.L. con domicilio en R/ALCALDE JAVIER RODRIGUEZ PAPMPIN 35 BAIXO  e  C.I.F. B09779398 (en diante, “A Empresa Organizadora”) contratada pola Axencia Turismo de Galicia  con domicilio en Estrada Santiago-Noia, km.3 15897 de Santiago de Compostela e C.I.F Q-1500394- J, organiza con fins promocionais o sorteo (en diante, “a promoción”) de ámbito nacional, a desenvolver a través de Internet, exclusivo para usuarios maiores de idade de acordo con o disposto no apartado de condicións para participar.

2.-DATA DE INICIO E DATA DE FINALIZACIÓN

 A promoción iniciarase ás 12:00 horas do día 3  de outubro  e finalizará o día 5 de outubro ás 12:00 horas.

Convocaranse 3 premios en 1 concurso, que  se anunciarán o día 5 de outubro.

Cada convocatoria de concurso estará activa 48 horas desde o momento da súa publicación.

3.- REQUISITOS DE PARTICIPACIÓN E MECÁNICA DA PROMOCIÓN

 Os requisitos de participación serán os seguintes:

• Poderán participar, de forma gratuíta e voluntaria, aquelas persoas que residan en España e sexan maiores de 18 anos, previamente rexistradas na rede social de lnstagram cun único usuario real e que sigan á Axencia Turismo de Galicia e a Galicia Ilusiona.
• A mecánica da Promoción en lnstagram consiste en mencionar dúas contas de Instagram.
• Non poderán participar nesta promoción os traballadores da Axencia Turismo de Galicia nin os seus familiares de primeiro grao, así como os provedores relacionados con esta entidade pública.
• Repartiranse un total de 3 premios non acumulativos. Cada gañador só poderá ser premiado unha vez.

4.- CONDICIÓNS DA PROMOCIÓN E PREMIOS

 Elixiranse aleatoriamente 3 gañadores de 1 entrada dobre para unha das galas de Galicia Ilusiona.

Do mesmo xeito elixiranse 3 suplentes para o caso de que o gañador non responda no prazo de 24 horas a contar desde a data e hora da publicación do resultado do concurso e do envío da mensaxe no que se lle comunica que resultou gañador/a.

Poderase elixir calquera das galas.

5.- MECÁNICA DA PROMOCIÓN

 A elección dos gañadores efectuaras ao día seguinte do lanzamento  do sorteo e de xeito aleatorio, a través de una plataforma aleatoria de sorteos, entre os participantes que:

• Mencionen dúas contas
• Sexan seguidores da conta de lnstagram da Axencia Turismo de Galicia e Galicia Ilusiona.
• Dean “like” á publicación do

O concurso realizarase no lnstagram da Axencia Turismo de Galicia en colaboración coa conta de Galicia Ilusiona.

Do mesmo xeito elixiranse 3 suplentes para o caso no que algún dos gañadores non responda no prazo de 24 horas -a contar dende a data e hora da publicación do resultado do concurso na conta de Axencia Turismo de Galicia e do envío da mensaxe no que se lle comunica que resultou gañador/a-. A Axencia Turismo de Galicia poderá publicar na súa conta de lnstagram os gañadores de cada concurso e enviará unha mensaxe directa informándolles do premio e solicitando a súa identificación.  Os gañadores terán que comunicar a aceptación do premio nas 24 horas inmediatamente posteriores á publicación dos gañadores e envío da mensaxe por parte de Galicia Ilusiona mediante un correo electrónico a través da conta comunicacion@galiciailusiona.es coa súa identidade (DNI, nome e dous apelidos) e un número de teléfono e correo electrónico de contacto.

O gañador autoriza a que o  seu  nome  de  lnstagram  sexa publicado nas redes sociais da Axencia Turismo de Galicia e Galicia Ilusiona.

Do mesmo modo, poderase informar aos demais elixidos da súa condición de suplentes, solicitando faciliten un número telefónico de contacto directo ao mesmo enderezo electrónico para a súa posterior  localización  e requirimento de documentación, se é o caso.

Se o gañador non reclama o premio antes de 24 horas a contar desde a data e hora da publicación do resultado  do sorteo, entenderase que o rexeita, pasando o premio ao primeiro suplente  elixido, o cal  será  contactado  telefonicamente. Se este tampouco remite a documentación solicitada, o premio pasará ao segundo suplente, e despois ao terceiro, quedando deserto se ningún deles responde.

Estes datos serán usados exclusivamente para a comunicación do premio ou para aclarar calquera continxencia unha vez aceptado.

6.-ACEPTACIÓN E MODIFICACIÓN DAS BASES

 A mera participación nesta campaña comercial supón a aceptación íntegra destas bases legais. A organización resérvase o dereito de efectuar, en calquera momento, calquera modificación, supresión e/ou adición ás presentes Bases legais, na medida que non prexudique ou menoscabe os dereitos dos usuarios.

Galicia Ilusiona resérvase o dereito de suspender o concurso, por causa xustificada e nos supostos previstos nas presentes bases.

Galicia Ilusiona resérvase o dereito de efectuar cambias que redunden no bo fin do concurso cando concorra causa xusta ou motivos de forza maior  que impidan levalo a termo na forma en que recollen as presentes bases.

Galicia Ilusiona resérvase o dereito de aprazar ou ampliar o período do concurso, así como a facultade de interpretar as presentes bases legais. Así mesmo, a empresa organizadora quedará exenta de toda responsabilidade se concorre algún dos casos sinalados, así como de calquera responsabilidade polos danos e perdas que puidesen ocasionarse durante o gozo do premio.

Galicia Ilusiona queda eximida de calquera responsabilidade no suposto de existir algún erro nos datos facilitados polos propios  agraciados  que impedise a súa identificación.

Galicia Ilusiona resérvase o dereito de emprender acc1ons xudiciais contra aquelas persoas que realicen calquera tipo de acto susceptible de ser considerado manipulación ou falsificación do concurso.

7.- DESCUALIFICACIÓNS E PENALIZACIÓNS

 Se se evidenciase que calquera dos participantes non cumpre cos requisitos esixidos nas bases, ou os datos proporcionados para participar non fosen válidos, a súa participación considerarase nula e quedarán automaticamente excluídos da Promoción perdendo todo dereito sobre os premias outorgados en virtude desta Promoción.

Galicia Ilusiona resérvase o dereito de excluír automática e inmediatamente da mesma a calquera  participante  que transgrida  as normas da boa fe, observe unha conduta inadecuada,  empregue medias fraudulentos  ou incumpra estas bases.

8.- PUBLICACIÓN DE COMENTARIOS OU OPINIÓNS

 Non se permitirán comentarios ou opinións cuxo contido se considere desapropiado, que sexan ofensivos, inxuriosos ou discriminatorios ou  que puidesen vulnerar dereitos de terceiros. Tampouco se permitirán comentarios contra un particular que vulneren os principios de dereito á honra, á intimidade persoal e familiar e á propia imaxe.

Non nos responsabilizaremos dos danos ocasionados polos comentarios que fagan os participantes na promoción, e que en calquera  momento  puidesen  ferir a sensibilidade doutros participantes.

9.- EXONERACIÓN DE RESPONSABILIDADE

 A título enunciativo, pero non limitativo, Galicia Ilusiona non se responsabiliza das posibles perdas, roubos, atrasos ou calquera outra circunstancia imputable a terceiros que poidan afectar ao desenvolvemento da presente promoción, así como tampouco do uso que faga  o  participante respecto do premio que obteña desta promoción.

Galicia Ilusiona non asume a responsabilidade en casos de forza maior ou caso fortuíto que puidesen impedir a realización da promoción ou o goce total ou parcial do premio.

10.- FACEBOOK

A promoción non está patrocinada, avalada, administrada nin asociada  de ningún xeito a Facebook, polo que os participantes liberan a esta de toda responsabilidade polos eventuais danos que se deriven da mesma.

11.- INSTAGRAM

lnstagram non patrocina, avala nin administra de modo algún esta promoción, nin está asociado a ela. O usuario desvincúlase totalmente de lnstagram, e é consciente de que está a proporcionar a súa información a Galicia Ilusiona e non a lnstagram.

12.- PROTECCIÓN DE DATOS PERSOAIS

De conformidade co establecido no Reglamento Xeral de Protección de Datos (UE 2015/679) e da Lei Orgánica 3/2018, do 5 de decembro, de Protección de Datos Persoais e Garantía dos Dereitos Dixitais, informamos que a entidade responsable do tratamento é a empresa GALICIA ILUSIONA S.L. con domicilio en R/ALCALDE JAVIER RODRIGUEZ PAPMPIN 35 BAIXO  e  C.I.F. B09779398.

Cada participante, coa aceptación destas bases legais e participación no sorteo, consente que os seus datos persoais podan ser utilizados para a xestión do sorteo e para remitirlle newsletters e comunicacións  comerciais  e  de  promoción relacionadas cos nosos servizos por carta, teléfono, correo electrónico, SMS/MMS, ou por outros medios de comunicación electrónica.

Informámoslle que pode exercer os seus dereitos de acceso, rectificación, cancelación e oposición mediante o envío dun correo electrónico a comunicacion@galiciailusiona.com ou ben mediante carta dirixida ao seguinte enderezon: R/ALCALDE JAVIER RODRIGUEZ PAPMPIN 35 BAIXO, A Coruña, achegando en ambos os casos copia do DNI.

13.-FISCALIDADE

A celebración do previsto sorteo, así como a concesión do premio quedan suxeitos á normativa fiscal vixente.

14.- LEXISLACIÓN APLICABLE E XURISDICIÓN

Estas bases legais rexeranse de conformidade coa lei española. Serán competentes para resolver calquera reclamación ou controversia que puidese exporse en relación coa validez, interpretación ou  cumprimento  destas  bases os Xulgados e Tribunais da cidade de Santiago de Compostela.

A sona do Camiño de Santiago como unha dos principais engados de Galicia non entende de fronteiras e é capaz de chamar a atención de habitantes de todo o planeta. Así o confirma unha vez máis a afluencia de peregrinos, xa que durante o ano pasado foron case 170 as nacionalidades diferentes das persoas que decidiron ir a Santiago por unha das rutas oficialmente recoñecidas.

Nin as diferenzas culturais nin idiomáticas, nin sequera xeográficas, foron un obstáculo para xente de lugares tan diferentes como Aruba, Papúa Nova Guinea, Benín, Brunei, Micronesia, Bután ou Vanuatu se sentise atraída por unha ruta xa universal que non deixa de crecer ano tras ano. É o que volveu ocorrer en 2019. Segundo a Oficina de Acollida ao Peregrino, o ano pasado pasaron polas súas dependencias un total de 347.578 persoas, o que supón 20.000 máis que en 2018.

Cada un dos cinco continentes está representado extensamente na lista de peregrinos, que non ofrece cambios nas primeiras posicións no listado de afluencia por países: os españois son a maioría (o 42% do total) seguidos na distancia polos italianos (8,2%), alemáns (7,53%), estadounidenses (5,94%) e portugueses (5,02%). Pero resulta especialmente significativo ver como Corea continúa a súa escalada particular nesta lista e despois de superar a Irlanda se converteu xa no oitavo país do que máis peregrinos chegan: un total de 8.224 en 2019. O Camiño é un fenómeno nese país asiático, onde inspirou éxitos editoriais e serviu de eixo incluso para programas e concursos de televisión.

O Camiño é variado nas súas rutas, no xeito de viaxar e nas motivacións dos peregrinos, e aínda que o Francés, a pé e por motivos relixiosos seguen a marcar a pauta, as rutas menos concorridas, as inspiracións máis diversas e os medios menos habituais tamén están aumentando. O Camiño da Costa portugués creceu en apenas 12 meses máis dun 60%, o número de peregrinos que optaron por navegar para cubrir parte da ruta aumentou un 86% e os que non se guían só por motivos relixiosos son xa maioritarios.

Empregados, estudantes, profesionais liberais, xubilados, técnicos, profesores, funcionarios, desempregados, traballadores… Todo o espectro social está tamén representado nesta ruta que permitiu aos peregrinos coñecer Galicia por todo o seu territorio. Ribadeo, Fisterra, A Guarda e A Mezquita, os catro ángulos de Galicia están presentes nun mapa de rutas que vertebra todo o territorio e que potencia a experiencia do peregrino coa nature

za, o patrimonio, a historia, a gastronomía, a etnografía e moitos incentivos máis. O Camiño converteuse así nunha gran porta de entrada a esta terra. E ti, que esperas para cruzala?

Caracterizada pola estampa que debuxa a ponte medieval de orixe románica que une Negreira e Ames e convertida en lugar de paso para os peregrinos que se dirixen a Fisterra, A Ponte Maceira acaba de ser incluída pola Asociación Os Pobos Máis Bonitos de España no selecto grupo de lugares (menos dun cento) que locen este selo de calidade. A entidade, nacida en 2011 e integrada nunha federación de ámbito internacional, está a crear unha rede que aglutina a “lugares de gran beleza que destilan historia e cultura á vez” e agrúpaos “baixo una mesma marca de calidade”. Os seus promotores pretenden promocionar zonas preferentemente rurais e pequenos municipios (o recoñecemento está dirixido a poboacións menores de 15.000 habitantes) e “implicar ás diferentes administracións para que apoien, coiden e respecten o noso patrimonio”.

A Ponte Maceira ingresou neste restrinxido club a pedimento do Concello de Negreira e tras superar varios requisitos: cumprir o criterio poboacional, dispoñer dun patrimonio arquitectónico ou natural certificado, e aprobar a auditoría realizada polo persoal de calidade da entidade e que comprende aspectos moi diversos: limpeza, conservación de fachadas, harmonía e homoxeneidade das construcións, limitacións á circulación de vehículos, existencia de aparcamentos, coidado das zonas axardinadas e tratamento de insignias publicitarias e carteis, entre moitos outros.

Desde a entidade explican que “calquera pobo que ostente a nosa marca cumpre uns criterios de calidade, beleza e accesibilidade turística que non defraudará a ningún visitante”. Ademais, destacan que só o 20 % dos pobos que solicitan a súa adhesión a este selo de calidade logran superar os criterios de selección. No caso de Galicia, só dúas localidades lograran o recoñecemento con anterioridade á Ponte Maceira: Mondoñedo e Castro Caldelas.

A incorporación do pobo negreirés foi aprobada na sétima asemblea nacional dos Pobos Máis Bonitos de España celebrada o pasado 30 de novembro en Puebla de  Sanabria xunto con outras 14 localidades de todo o país.

A partir de agora, A Ponte Maceira poderá lucir nos seus accesos os rótulos que acreditan a súa nova condición e beneficiarse das accións promocionais que desenvolverá a entidade.

Un motivo máis para gozar deste lugar.

A construción actual foi levantada hai pouco máis de 60 anos sobre as ruínas dunha antiga ermida do século XVII ligada ao próximo pazo de Castrelo. A súa localización, na ladeira dun dos montes que se alzan detrás de Bueu, e as vistas que desde alí se teñen da capital municipal e de boa parte da ría de Pontevedra constitúen xa de seu un bo motivo para visitar a capela e a súa contorna. Pero ademais, a pesar da súa mocidade, a capela presenta varios elementos históricos e arquitectónicos que a converten nun lugar moi singular.

O seu deseño foi encargado polo Concello a mediados do século pasado a Urbano Lugrís, un dos pintores galegos máis importantes da época e representante destacado do movemento surrealista. A paixón polo mar está moi presente en toda a obra do artista e a Capela dous Santos Reis non foi unha excepción. Vieiras, caracolas, áncoras, baleas e outros motivos mariños servíronlle a Lugrís para adornar o arco que preside a porta de acceso ao recinto e lembrar ao visitante a importancia que este elemento ten para os veciños da zona. Foi ademais, un proxecto que lle permitiu desenvolverse ao máximo como creador debido a que puido combinar deseño, pintura, escultura, arquitectura e, mesmo, a dirección dos traballos.

O feito de estar dedicada aos Reis Magos (os Santos Reis que lle dan nome) fai deste pequeno templo un caso excepcional non só en Galicia, senón tamén en España e o resto de Europa, debido a que son contados os templos erixidos para honrar a Melchor, Gaspar e Baltasar.

Parte do legado orixinal de Lugrís, como as pinturas do retablo e mesmo as esculturas dos tres reis perdéronse co pasar dos anos, pero o lugar conserva case intacto o seu encanto orixinal e a pegada do traballo desenvolto alí polo artista aínda se pode apreciar noutros espazos do municipio de Bueu. Os bosquexos orixinais das esculturas decoraron o salón de plenos do consistorio de Bueu e algúns destes e outros documentos de Lugrís consérvanse hoxe en día no Museo Massó.

Os membros da asociación cultural Santos Reis encárganse na actualidade do coidado da capela e a súa contorna e organizan unha celebración anual, pero o exterior da capela pode ser visitado en calquera época e algunha das rutas deseñadas polo  Concello de Bueu para poñer en valor o seu patrimonio a inclúe no trazado, así que non hai motivo para non gozar deste pequeno, pero interesante lugar cheo de arte e historia.

Máis información aquí

Á súa chegada a Compostela, a irmá do mítico “beatle” compartiu as súas sensacións no Camiño e que pensou cando descubriu os plans do seu irmán. 

_Que recordos ten da primeira vez que realizou o Camiño de Santiago?

_Unha sensación de paz, de encontro comigo mesma e de agradable fatiga polo esforzo.

_Como foron as súas sensacións ao chegar a Compostela?

_Sentín alegría polo que fixera e pracer polo fermosa que é a cidade.

_Cal é a maior sorpresa que lle deu o Camiño?

_Unicamente fixen o Camiño Inglés e o que máis me sorprendeu foron as súas paisaxes e, incluso camiñando en grupo, a sensación de atoparme a min mesma.

_Que é o que máis lle gusta de Galicia?

_A comida, sobre todo o polbo; as súas paisaxes e a súa xente.

_O seu irmán John contoulle algo sobre os seus plans de percorrer o Camiño?

_A información que teño é a través de diversas persoas e do libro “A Gran Vía ri”, do escritor galego Antonio D. Olano, confidente e amigo persoal de Dalí, o cal se encargaba de mandar os telegramas que lle enviaba a John. Dalí quería que mil mozos se unisen a eles nesa viaxe. Os dous eran moi excéntricos e deles podíase esperar calquera cousa.

_Sabe como tivo coñecemento John da existencia do Camiño?

_Non o sei, talvez a través do seu amigo Dalí.

_Como cre que se sentiría el se tivese percorrido o Camiño?

_O meu irmán tiña un transfondo espiritual e seguramente lle influenciaría positivamente, sobre todo tendo en conta a vida tan axitada que levaba.

_Ten previsto realizar algún outro trazado do Camiño?

_Si, pero esta vez gustaríame facelo desde Porto.

_Que canción de John Lennon cre que conecta máis co Camiño?

_”Help me to help myself”, da cal só existe unha maqueta feita na súa casa xa que non lle deu tempo a gravala en estudo porque morreu antes. Aquí podédela escoitar: https://www.youtube.com/watch?v=lRkdo2vRx_Q

_Que pensou cando lle propuxeron participar nun vídeo para promocionar o Camiño Inglés? 

_Propúxomo o doutor Chema Ríos, co que teño amizade desde hai anos e co que colaborei en varios proxectos benéficos en favor de Médicos Sen Fronteiras. Cando escoitei a canción de Carolina Rubirosa non tiven ningunha dúbida porque era moi bonita e xa colaborara con ela na canción “Isolation” do meu irmán.

_Como é a música de Carolina Rubirosa?

_A Carolina escoiteina cantar en Liverpool e noutras ocasións. A súa voz transmíteme emoción e as súas cancións son preciosas.

_Que pensaría John deste proxecto?

_Seguro que lle gustaría.

Non perdas a entrevista en vídeo colgada na nosa canle de YouTube.

Goza de máis de 1.500 quilómetros de costa, de máis de 100 praias con bandeira azul, do mar, de aventuras e de festas. Escolle o TEU Camiño e mete na túa mochila séculos de historia, bosques e vilas con encanto.

Este verán, en Galicia TI es o protagonista nun escenario único de mar, montaña e natureza. Este verán, escolle Galicia. Tes que vivila!

Podes ver o anuncio en: http://bit.ly/GaliciaTesQueVivila

“O reto era conseguir por unha parte alixeirar a fama de clásico e de caro que tiña o restaurante, e por outro demostrar que na zona de viños de Ourense tamén cabe a cociña contemporánea”, explica. A tapa coa que gañou o concurso Sabores de outono entra dentro desta visión. Trátase dunha Vieira de outono paisaxística, na que o elemento central, empanado, se dispón sobre un camiño de millo, iuca frita, sofrito de cogomelos e castaña e crocantes de boletus e folla de figueira.

“Os sabores escuros do outono refréscanse cunhas esferificacións de iogur picante”, conta, mentres adorna o prato con brotes cultivados na casa. O patio interior do restaurante, dunha enorme amplitude tendo en conta que está en pleno centro da cidade antiga, é o recanto segredo no que el mesmo cultiva as herbas e flores coas que rematará a creación, tamén na cita do día 4 de xullo en Compostela, na final do Premio Mellor Cociñeiro De Tapas por Galicia.

O pincho gañou no primeiro concurso no que o Sanmiguel participou. O cociñeiro ourensán destaca o poder deste tipo de citas para a imaxe dos participantes: “A nós púxonos no mapa”, algo necesario para unha aposta innovadora e intrépida, con gastrobar, restaurante á carta e salón para eventos. No proxecto están involucrados día a día non menos dunha ducia de traballadores. “Agradézolles moito a súa implicación e procuro ser eu o que poña a nota de alegría na cociña”, afirma González Quintela,”non pode ser que traballen de marabilla doce horas ao día e encima teñan que aguantar un xefe malencarado”, asegura.

Máis información sobre a noticia…

Máis información do parque nacional…

Máis información …