Do 18 de setembro ao 20 de decembro de 2026, Turismo de Galicia celebra a 20.ª edición desta proposta, que combina gastronomía, turismo rural e uns días para desconectar. En total, participan 71 casas de turismo rural repartidas polas catro provincias.

Aínda non sabes como funciona? Contámoscho.

Unha mesa con sabor a Galicia

A proposta máis sinxela é o Menú Outono Gastronómico, que por 40 € por persoa inclúe entrante, primeiro prato, segundo prato, sobremesa e viño con Denominación de Orixe galega.

Cada establecemento ofrece a súa propia proposta gastronómica, así que podemos aproveitar para descubrir diferentes sabores e produtos de Galicia mentres coñecemos novos recunchos do noso territorio.

E se despois de comer non nos apetece coller o coche de volta, temos outras opcións.

Unha escapada gastronómica

O Paquete Outono Gastronómico combina o menú con unha noite de aloxamento —venres ou sábado— e almorzo.

O prezo é de 115 € para unha persoa en habitación individual ou 175 € para dúas persoas en habitación dobre.

Para quen prefira gozar de toda a fin de semana está a opción de Fin de Semana Outono Gastronómico, que inclúe dous menús, dous almorzos por persoa e dúas noites de aloxamento, as do venres e o sábado.

O prezo é de 175 € para unha persoa en habitación individual e 275 € para dúas persoas en habitación dobre.

Tamén en familia

O Outono Gastronómico tamén ten propostas para familias con menores de ata 14 anos. A opción de Fin de Semana Familiar inclúe menús para adultos e nenos, dúas noites de aloxamento e almorzos.

Hai dúas modalidades:

• 2 adultos + 1 menor: 325 €.
• 2 adultos + 2 menores: 375 €.

Unha boa oportunidade para descubrir en familia as paisaxes, vilas e actividades do rural galego.

Outono Plus: aínda máis experiencias

E para quen queira aproveitar aínda máis a escapada, algúns establecementos ofrecen Outono Plus, unha modalidade que permite complementar a estadía con actividades relacionadas coa natureza, a cultura, o deporte ou o enoturismo.

A oferta depende de cada establecemento, así que convén consultar as propostas dispoñibles á hora de facer a reserva.

20 anos, moitos outonos por gozar

Pasaron xa dúas décadas desde a primeira edición e o Outono Gastronómico segue propoñendo unha combinación que nunca pasa de moda: comer ben, descansar e descubrir Galicia.

Ata o 20 de decembro temos tempo para escoller a nosa casa rural, reservar o noso menú e preparar unha escapada.

Porque o outono pode gozarse de moitas maneiras. E unha das mellores é facelo arredor dunha mesa, en boa compañía e nalgún dos recunchos rurais de Galicia.

Apúntaste a celebrar os 20 anos do Outono Gastronómico?

Consulta aquí os establecementos participantes e todas as propostas do 20.º Outono Gastronómico.

Entre as súas celebracións destacan Festas de Interese Turístico Internacional, como a Semana Santa de Viveiro e a de Ferrol, así como outras de interese turístico en Galicia: a Festa do Santísimo Cristo de Fisterra, a Semana Santa de Cangas, e a de Paradela (Meis), a de Betanzos, a de Mondoñedo, a de Santiago de Compostela, a de Lugo e a Semana Santa do Carballiño.

Ademais, durante estas datas celébranse festas gastronómicas de interese turístico, ideais para degustar produtos locais.

Festas gastronómicas destacadas

Estas son catro celebracións declaradas “Festas de Galicia de Interese Turístico”, que teñen lugar do 27 de marzo ao 5 de abril:

Feira do Viño de Amandi

Onde: Sober
Cando: Do 27 ao 29 de marzo

A Feira do Viño de Amandi honra a tradición vitivinícola da D.O. Ribeira Sacra nun ambiente cheo de música e ledicia. Durante a feira, os asistentes poden degustar os viños mencía da comarca xunto con produtos típicos como queixos, mel ou doces, ademais de descubrir a olaría tradicional de Gundivós, coñecida polo seu acabado negro. Miles de persoas participan cada ano nesta cita que combina cultura, gastronomía e tradición.

Feira do Queixo do Cebreiro

Onde: Pedrafita do Cebreiro
Cando: 3 de abril

A Feira do Queixo do Cebreiro, celebrada desde 1987, é un evento que pon en valor a gastronomía e as tradicións populares da zona. Os visitantes poden degustar o famoso Queixo do Cebreiro e pratos típicos como o polbo, mentres gozan de pasarrúas, bailes tradicionais e a lectura do pregón a cargo dun personaxe ilustre. A feira combina cultura, gastronomía e entretemento nunha xornada única para toda a familia.

Festa do Requeixo e do Mel das Neves

Onde: As Neves
Cando: Do 3 ao 4 de abril

Cada Venres Santo, a Festa do Requeixo e do Mel das Neves celebra os sabores tradicionais da comarca, centrando a atención no requeixo e no mel. Os visitantes poden degustar estes produtos acompañados de viños e pratos típicos como polbo ou chourizos ao viño, mentres desfrutan de música e actividades culturais. A feira inclúe cursos e conferencias sobre a elaboración do requeixo e do mel, e destaca especialmente a degustación de requeixo con mel, un verdadeiro emblema gastronómico da zona.

Festa da Ostra de Arcade

Onde: Soutomaior
Cando: Do 3 ao 5 de abril

A Festa da Ostra de Arcade é unha das celebracións gastronómicas máis concorridas de Galicia, que cada ano atrae máis de 25.000 persoas. Durante o fin de semana, os asistentes poden degustar ostras crúas con limón, empanadas ou en escabeche, acompañadas de albariño, mentres gozan de música, pasarrúas e fogos artificiais. Un dos maiores atractivos da feira é a habilidade das ostreiras, que abren as ostras con rapidez e mestría diante do público.

Non perdas a oportunidade de vivir a Semana Santa en Galicia combinando tradición, cultura e gastronomía. Agardámoste!

Aquí tes a lista dos restaurantes galegos distinguidos con novos Soles Repsol 2026, divididos por provincia:

A Coruña

• A TAFONA

En Santiago de Compostela, A Tafona conseguiu a máxima cualificación de tres Soles Repsol. A proposta de Lucía Freitas destila sabor atlántico e alma galega, onde as produtoras e artesás son parte fundamental dos seus pratos.

Onde está: R. Virxe da Cerca, 7, 15703 Santiago de Compostela
Reserva en: www.luciafreitas.es

• GUNNEN

No barrio de Matogrande, Gunnen con dous Soles é o proxecto máis persoal do cociñeiro Chechu Rey. Dá forma a unha cociña de investigación que parte do respecto absoluto polo produto galego e elévaa cunha sorprendente dose de innovación técnica.

Onde está: Rúa Juan Díaz Porlier, 15, 15009 A Coruña
Reserva en: www.gunnen.es

• EL DE ALBERTO

Todo un referente en A Coruña, El de Alberto con dous Soles combina a experiencia de anos cunha actitude inquieta, explorando novas propostas que redondean a experiencia do comensal.

Onde está: C. Comandante Fontanes, 1, 15003 A Coruña
Reserva en: www.eldealberto.es

• O SECADEIRO

Nunha vella casa de pedra na aldea de Banzas, O Secadeiro con dous Soles ofrece unha cociña tradicional reinterpretada con mirada actual, destacando o produto local e as súas raíces galegas.

Onde está: Lugar de Banzas, 18, 15237 Outes
Reserva en: www.osecadeiro.es

Pontevedra

• ALBERTE

En Vigo, Alberte Gutiérrez con dous Soles ofrece unha proposta contemporánea de esencia galega. A súa cociña, avalada polo selo Slow Food, rende culto ao produto de proximidade e á estacionalidade.

Onde está: R. de Rosalía de Castro, 65 (Baixo), 36201 Vigo
Reserva en: www.alberte.es

• MARNA

Na Praza da Ferrería, Marna con dous Soles destaca polo protagonismo do viño e da cociña, creando un tándem onde ambas disciplinas brillan por igual.

Onde está: Praza da Ferrería, 8, 36002 Pontevedra
Reserva en: www.marnarest.com

Ourense

• MIGUEL GONZÁLEZ

Fronte ao mercado de Ourense, Miguel González con dous Soles combina cociña de raíces con creatividade e mestría, nun espazo amplo e luminoso que resalta a experiencia gastronómica.

Onde está: Avenida de Pontevedra, 17, 32005 Ourense
Reserva en: www.restaurantemiguelgonzalez.com

Lugo

• VÉRTIGO

Na Ribeira Sacra, na Bodega Regina Viarum, Vértigo con dous Soles desenvolve unha proposta autenticamente galega que se integra co contorno e sorprende en cada prato.

Onde está: Bodegas Regina Viarum, Doade S/N, 27424 Sober
Reserva en: www.restaurantevertigo.com

Descubre na Guía Repsol todos os Soles de Galicia e planifica a túa ruta gastronómica. Cal será a túa primeira parada?

A cociña tradicional do Entroido xira en torno ao porco. Tras a matanza en novembro e varios meses de curación, as chacinas alcanzan o seu punto perfecto xusto a tempo para estas datas.

É a ocasión ideal para sacar á mesa os mellores produtos: lacón, androlla, chourizo, orella, cacheira (ou cachucha), botelo… sempre acompañados de patacas, grelos, garavanzos ou galiña. Pratos contundentes e saborosos que invitan a compartir.

Grandes banquetes, exhibicións culinarias, música, baile, comparsas e, sobre todo, moita diversión agárdante!

Pratos típicos para celebrar o Entroido

O cocido galego

O cocido é un dos grandes expoñentes da cociña galega elaborada con produtos de proximidade: unha auténtica exaltación do porco, acompañado de tenreira, galiña, verduras e garavanzos.

En Lalín, no corazón de Galicia, alcanza tal categoría que conta cunha celebración propia: a Festa do Cocido de Lalín, declarada Festa de Interese Turístico Internacional, onde tamén se saborea a chegada do carnaval.

A cita inclúe un completo programa cultural e gastronómico, ademais do desfile de carrozas, comparsas e verbena. O seu atractivo é tal que en edicións anteriores reuniu preto de 60.000 persoas.

Aínda que a xornada principal se celebra o domingo previo ao Entroido, febreiro enteiro é o Mes do Cocido, unha ocasión perfecta para visitar Lalín e degustalo.

Lacón con grelos

Este prato combina o lacón (extremidade dianteira do porco) cos grelos (follas e talos do nabo). Dous ingredientes nobres da gastronomía galega que, nesta época do ano, únense para formar unha exquisita parella, normalmente acompañada de patacas cocidas e chourizo.

En Cuntis, recóllida localidade famosa polas súas augas termais e as súas camelias, celébrase o domingo seguinte ao Entroido a Festa do Lacón con Grelos, declarada Festa de Interese Turístico de Galicia.

Está aberta a todo o público, con degustacións gratuítas, obradoiros gastronómicos e a alegría das comparsas do carnaval enchendo as rúas.

O remate final póñeo “O Enterro do Chapante”, unha variante do tradicional enterro da sardiña recuperada tras anos no esquecemento, que fai referencia aos “chapantes”, alcume dos habitantes de Cuntis e guiño á súa fama de grandes comensais.

Embutidos: Botelo e Androlla

Típicos embutidos da zona de Ourense, elaboran principalmente con partes do porco e embútense en tripas. Sólense servir acompañados de patacas, chourizo e repolo ou grelos.

No caso do botelo, utilízase o estómago do animal como recipiente, converténdoo no embutido de maior tamaño. Tamén se lle coñece como butelo ou bitelo. A súa curación é moi curta, o que o converte nun manxar perecedeiro e moi apreciado, xa que só alcanza o seu punto óptimo durante uns días.

Cada ano, este singular embutido é protagonista da Festa do Botelo en O Barco de Valdeorras, declarada Festa de Interese Turístico de Galicia. Aínda que garda certa proximidade co seu parente berciano, o botelo de O Barco non é exactamente igual; nesa comarca, un embutido similar coñécese como pigureiro.

A androlla, outro embutido típico da zona, elabórase con tripa gorda e rechea de costela adobada. Afúmase durante uns dez días e curase durante un par de meses, alcanzando o seu punto óptimo coa chegada do Entroido.

O Domingo de Entroido, a androlla convértese na estrela do Entroido de Viana do Bolo, na Festa da Androlla, declarada tamén Festa de Interese Turístico de Galicia.

Numerosas persoas acoden a degustar e a gozar do ambiente festivo do Entroido, coa presenza dos boteiros (personaxes emblemáticos) que percorren as rúas acompañando ao folión. Diversión e tradición están garantidas.

Cabrito

O cabrito cocínase no forno de leña, seguindo a tradición que se mantén desde hai décadas. É un dos animais emblemáticos de Vilariño de Conso, onde o pastoreo de alta montaña segue sendo unha actividade viva, presente só nalgúns concellos de Galicia. Este manxar pódese degustar durante a Festa do Cabrito, consolidada como un dos eventos centrais do sábado de Entroido en Vilariño de Conso.

O lado máis doce do Entroido

Para os máis golosos, o Entroido é pura tentación. Entre os doces máis destacados atópanse:

Filloas

En Lestedo celébrase a Festa da Filloa, Festa de Interese Turístico de Galicia. Este doce, emparentado cos crêpes franceses pero moito máis fino, sérvese doce con mel, chocolate, castañas ou marmelada, ou en versión salgada, con lacón, cogomelos ou caldo de cocido.

Entre música e comparsas, pódense degustar as tradicionais filloas á pedra, feitas sobre pedra quente, e tamén as elaboradas nunha máquina local capaz de preparar ¡1.500 por hora! Ademais, o humor e a tradición únense en O atranque dos Xenerais da Ulla, a divertida batalla entre dous xenerais que satirizan a actualidade política e social a cabalo.

Orellas

Delicias de masa fritida cun toque de anís e reladura de limón ou laranxa. Crujientes e adictivas, son un dos doces máis emblemáticos do Entroido galego.

Flores

Masa semellante á das filloas, fritida cun molde especial que lles dá a súa característica forma de flor. Moi populares na provincia de Ourense.

Bica

Biscoito manteigado cunha corteza superior azucrada e tostada, típico de Ourense, especialmente en localidades como A Pobra de Trives, Laza e Verín.

Rosquillas de Anís

Esponxosas e cun distintivo sabor a anís, son un clásico do Entroido que se goza en toda Galicia.

E imprescindibles, uns bos chupitos de xastré e de licor café. Que non falte nada! En Galicia a abundancia é unha norma de cortesía.

Este ano damos a benvida a Miguel González e Vértigo, os dous novos restaurantes recoñecidos con Estrela Michelin, que reflicten un firme compromiso coa calidade, a creatividade e a innovación en cada proposta culinaria.

Lista de restaurantes con Estrela Michelin en Galicia

A CORUÑA
É a provincia con máis Estrelas Michelin, con oito restaurantes:

• Retiro da Costiña (2 estrelas)
  Situado en Santa Comba, baixo a dirección de Manuel Costiña, combina tradición galega e creatividade. Os seus pratos refinados destacan os produtos locais de mar e terra, reinterpretados con elegancia e técnica impecable, consolidando o seu prestixio na rexión.
• Árbore da Veira (1 estrela)
  No Monte de San Pedro e liderado polos chefs Luis Veira e Iria Espinosa, ofrece cociña de produto galego mesturando tradición e modernidade. Os seus menús de degustación resaltan o marisco e os produtos de horta, ofrecendo unha experiencia gastronómica equilibrada e auténtica.
• As Garzas (1 estrela)
  En Malpica, Eva Fares na cociña e Xurxo Agrasar na parte doce e sumiller achegan frescura, centrando a cociña na tradición e modernidade, con produtos galegos de primeira calidade cocidos con respecto para realzar o seu sabor natural.
• Terra (1 estrela)
  Localizado en Fisterra e comandado polo chef Brais Pichel, busca na súa cociña exaltar o traballo dos produtores locais, con gran presenza dos peixes da zona.
• A Tafona (1 estrela)
  Santiago de Compostela acolle este restaurante dirixido por Lucía Freitas. Baséase no produto galego da costa e da horta, recuperando as cociñas de antano a partir da tradición, a materia prima local e a evolución de metodoloxías e investigación.
• Casa Marcelo (1 estrela)
  Tamén en Santiago de Compostela, baixo a batuta de Marcelo Tejedor, un referente de cociña aberta, honesta e sen barreiras que combina precisión, respecto polo produto e elegancia.
• Simpar (1 estrela)
  Moi próximo á Praza do Obradoiro, Alberto Lareo lidera Simpar, que destaca pola súa cociña técnica, creativa e de marcadas raíces galegas.
• O’Pazo (1 estrela)
  En Padrón, protagonizan o produto de calidade e a cociña lenta. É un dos mellores restaurantes para amantes da comida á grella e da cociña sen artificios, tratados con mimo pola man do chef Óscar Vidal.

PONTEVEDRA
Estes son os sete restaurantes con Estrela Michelin nas Rías Baixas:

• Culler de Pau (2 estrelas)
  En O Grove, Javier Olleros e a súa familia lideran Culler de Pau. A súa cociña de alta gama baséase en produtos locais, con horta propia e forte compromiso coa sustentabilidade, ofrecendo experiencias sofisticadas e próximas ao territorio.
• Pepe Vieira (2 estrelas)
  En Poio e dirixido por Pepe Vieira, ofrece cociña galega de autor. Os seus pratos reflicten creatividade e sofisticación, mantendo a identidade local que lle valeu dúas estrelas Michelin.
• Maruja Limón (1 estrela)
  En Vigo, baixo Rafa Centeno, combina cociña contemporánea con raíces galegas, utilizando produtos locais con técnicas innovadoras para crear pratos equilibrados e sorprendentes.
• Silabario (1 estrela)
  Tamén en Vigo, Alberto González Prelcic dirixe Silabario. A súa proposta de nova cociña galega reinterpreta a tradición con menús degustación accesibles e refinados, destacando a calidade do produto local.
• Yayo Daporta (1 estrela)
  En Cambados, lidera un restaurante que combina mar e terra. Os seus pratos son elegantes, creativos e respectuosos coa tradición galega, utilizando ingredientes locais de alta calidade.
• Casa Solla (1 estrela)
  En Poio, Pepe Solla dirixe Casa Solla, un clásico da gastronomía galega. A súa cociña respecta a tradición, enfatiza o produto local e presenta menús de degustación elaborados, consolidando a súa Estrela Michelin.
• Eirado da Leña (1 estrela)
  En Pontevedra, Iñaki Bretal lidera Eirado da Leña. A súa cociña céntrase en raíces galegas e produtos locais, respectando a tradición culinaria e reflectindo a identidade e o sabor auténtico da rexión.

OURENSE
Nun radio de menos dun quilómetro, estes tres restaurantes converten Ourense nun referente da cociña de autor:

• Ceibe (1 estrela)
  Próximo á Catedral de Ourense, dirixido polos chefs Lydia del Olmo e Xoxé Magalhaes, especialízase en cociña de autor cun profundo vínculo cos produtos locais de temporada.
• Nova (1 estrela)
  Tamén en Ourense, Julio Sotomayor e Daniel Guzmán lideran Nova. A súa cociña reflicte unha base gastronómica herdada dos maiores, na que cada ingrediente achega sabor e personalidade.
• Miguel González (1 estrela)
  O chef Miguel González dirixe o seu propio restaurante fronte ao mercado de Ourense, onde predomina unha cociña de recordos, sensacións e técnica, partindo de produtos da horta, a lonxa e a gandería.

LUGO
Lugo celebra a súa primeira Estrela Michelin, un fito para a provincia e a súa gastronomía.

• Vértigo (1 estrela)
  Na Ribeira Sacra (Sober), na bodega Regina Viarum e liderado por Rafa Centeno, ofrece unha cociña marcada pola autenticidade do contorno, a honestidade do produto e o contacto directo co produtor.

Oportunidade para facer turismo gastronómico

Galicia ofrece unha experiencia única para quen desexe combinar gastronomía e turismo. Tanto se visitas a rexión como se vives aquí, invitámoste a descubrir cada recuncho mentres desfrutas dos seus restaurantes con Estrela Michelin.

Podes planear rutas pola costa atlántica ou a ría de Pontevedra, explorar a histórica Ribeira Sacra, perderte nos encantos de Ourense ou empaparte da riqueza patrimonial de Lugo.

A diversidade dos restaurantes galardoados permite desfrutar dunha combinación perfecta entre paisaxes impresionantes e propostas culinarias excepcionais, onde cada prato reflicte a riqueza da nosa terra.

Anímaste a vivir esta experiencia?

Ceos grises que se mesturan co verde intenso dos bosques, o son da chuvia deslizando polas rúas e os regatos, o vento que xoga coas follas e as ondas xigantes golpeando a costa… Como di o refrán galego: “Se chove, que chova”.

E nestes días, que se fai? Hai unha infinidade de plans para refuxiarse da chuvia e gozar da cultura, da gastronomía e da natureza dende o interior.

Aquí deixámosche varias ideas para gozar só, en parella, con amigos ou en familia.

Descubre museos e espazos culturais

Podes comezar visitando museos e espazos culturais, como o Museo de Belas Artes da Coruña, o Museo Provincial de Lugo, o Museo Arqueolóxico de Ourense ou o Museo de Pontevedra.

En Vigo, por exemplo, o Museo do Mar de Galicia permite explorar a historia marítima, exposicións sobre pesca e un acuario, todo nun entorno fermoso xunto ao mar.

Os museos etnográficos tamén ofrecen unha mirada íntima á vida tradicional galega.

Como consello, elixe un museo pola mañá e combina a visita cun café e un doce galego no casco histórico.

Reláxate cun plan termal

Un día chuvioso é a escusa perfecta para coidarse e relaxarse. Galicia é unha das rexións con máis recursos termais de Europa, con mananciais e balnearios en todas as provincias.

Dende as Burgas de Ourense, pasando polas Termas de Guitiriz en Lugo, ata o balneario de Mondariz en Pontevedra, hai opcións para todos os gustos.

Goza dun circuíto termal e, despois, da gastronomía local: a chuvia convértese nun aliado do descanso.

Pasea por mosteiros, pazos e edificios históricos

Outra opción é visitar o interior de mosteiros, pazos e edificios históricos. Aínda que chova, estes espazos cobran un encanto especial: a pedra mollada, o silencio e os corredores con eco crean unha atmosfera única.

Dende o Mosteiro de Oseira en Ourense, o Pazo de Oca e Pazo de Rubiáns en Pontevedra, o Castelo de San Antón na Coruña ou a Muralla Romana de Lugo, Galicia ofrece recunchos onde a historia se goza mesmo baixo a chuvia.

Comeza o día cun bo almorzo e complétalo coa visita a un mosteiro ou pazo.

Goza de mercados, gastronomía e enoturismo

Estes momentos, refuxiados da chuvia, saben aínda mellor. Descubre os mercados locais con produtos frescos, como o mercado da Praza de Lugo na Coruña, o mercado municipal de Lugo, a ruta do viño Ribeiro en Ourense ou o mercado do Grove en Pontevedra.

Logo, pasea con calma polas súas rúas e goza dos pratos típicos da temporada, como un caldo galego quente.

E para completar a experiencia, por que non visitar unha bodega e participar nunha cata guiada? A chuvia fóra só fará que estes momentos sexan máis cálidos e acolledores.

En Galicia, a chuvia non é un obstáculo, senón unha oportunidade para descubrir a súa cultura, a súa gastronomía e o seu patrimonio dende dentro. Garda o paraugas, busca o teu refuxio favorito e deixa que o son da chuvia acompañe o teu plan preferido.

Un froito milenario

O castiñeiro, coñecido en galego como castiñeiro, é un dos árbores máis lonxevos de Europa. En Galicia, moitos exemplares centenarios parecen gardiáns do tempo, como o “Castiñeiro Centenario” na pequena aldea de Ramil, Triacastela – Lugo.

A súa presenza marcou a paisaxe rural e montañosa galega durante xeracións. Aínda que se cre que os romanos impulsaron o seu cultivo en Galicia, estudos recentes sinalan que o castiñeiro expandiuse polo noroeste da península hai máis de 20.000 anos.

Desde entón, os seus froitos foron esenciais para a alimentación, especialmente en tempos de escaseza. Tanto foi así que cando chegou a pataca desde América, en Galicia chamábaselle “castaña da terra”, reflectindo a importancia do froito autóctono.

Magosto: do campo á tradición

Durante séculos, a castaña non só alimentou persoas e gando, senón que tamén inspirou refráns, lendas e celebracións populares. Un dos eventos máis emblemáticos é o magosto, festa na que veciños de aldeas e barrios se reúnen para asar e compartir castañas, celebrando a riqueza do outono e a cultura galega.

Calidade recoñecida internacionalmente

A castaña galega destaca polas súas propiedades organolépticas: o seu sabor, aroma e cor son inconfundibles. Por iso, é a única castaña en España recoñecida con Indicación Xeográfica Protexida (IXP) Castaña de Galicia, un selo que garante o seu cultivo e procesamento en Galicia baixo estrictas normas de calidade.

As zonas de cultivo máis importantes inclúen:

• A Coruña: Terra de Melide, Arzúa e Boimorto.
• Lugo: practicamente toda a provincia, agás os municipios da Mariña.
• Ourense: toda a provincia.
• Pontevedra: comarcas de Deza, Tabeiros-Terra de Montes e municipios como Cotobade, A Lama, Campo Lameiro e Cuntis.

O castiñeiro require choivas abundantes e ben repartidas, temperaturas temperadas e veráns cálidos que favorezan a maduración dos froitos, condicións que Galicia cumpre de maneira ideal.

Da tradición á mesa

Hoxe, as castañas consómense asadas, cocidas, en caldos ou acompañadas de leite e valóranse tanto na cociña tradicional como na máis innovadora.

Durante o mes de novembro celebranse festas como a “Festa da Castaña” en Folgoso do Courel ou a “Festa do Magosto” en Ourense, ambas declaradas de interese turístico, onde se pode gozar da castaña e doutros produtos de tempada.

Se aínda non probaches a IXP Castaña de Galicia, é a ocasión perfecta para visitar Galicia e descubrir o seu sabor, aroma e tradición.

E se, ademais, lle sumamos o Outono Gastronómico de Galicia, a proposta convértese en irresistible.

Que é o Outono Gastronómico?

O Outono Gastronómico é unha iniciativa que celebra, cada ano, os sabores e paisaxes do outono galego. Ata o 21 de decembro, máis de 70 casas rurais participan, ofrecendo menús especiais elaborados con produtos de tempada, combinados co encanto da vida rural.

Cada aloxamento pon o seu toque persoal: chemineas acesas, xardíns onde os nenos poden xogar, rutas polo contorno… Unha forma segura, tranquila e auténtica de desconectar e conectar cos teus en plena natureza galega.

Modalidades familiares do Outono Gastronómico

O Outono Gastronómico Galicia é a ocasión perfecta para planear unha escapada rural en familia e saborear os produtos máis auténticos do outono galego. Estas son as modalidades dispoñibles para gozar dun fin de semana de natureza, descanso e boa mesa:

Fin de Semana Familiar con 1 neno/a (ata 14 anos) – Prezo: 310 €
Inclúe:

• Dous menús Outono Gastronómico por adulto
• Dous menús infantís por neno/a
• Aloxamento en habitación dobre con cama supletoria (noites de venres e sábado)
• Almorzos para toda a familia os dous días

Fin de Semana Familiar con 2 nenos/as (ata 14 anos) – Prezo: 360 €
Inclúe:

• Dous menús Outono Gastronómico por adulto
• Dous menús infantís por cada neno/a
• Aloxamento en dúas habitacións dobres ou unha dobre con dúas camas supletorias (noites de venres e sábado)
• Almorzos para toda a familia os dous días

Ademais, moitas casas rurais ofrecen o complemento Outono Plus, con actividades ao aire libre como paseos a cabalo, descensos en canoa, rutas de sendeirismo entre bosques autóctonos ou percorridos por camiños históricos. Experiencias perfectas para aprender, moverse e divertirse en familia.

Ideas de plans familiares por toda Galicia

• Na montaña lucense: gozar das cores da Serra do Courel ou Ancares, e rematar o día nunha casa rural con cheminea.
• No interior de Ourense: combinar termalismo e gastronomía, visitando os balnearios e algunha adega da Ribeira Sacra.
• Na Costa da Morte ou Rías Altas: paseos polos faros, solpores infinitos e pratos de peixe fresco con toque outonal.
• No corazón de Pontevedra: sendeiros fluviais, pazos con xardíns e casas rurais que ofrecen actividades con animais ou horta.
• No norte da Coruña: descubrir bosques e miradoiros xunto ao Atlántico, e saborear o outono máis salvaxe.

Descubre o sabor do outono galego en familia. ¡Elixe casa rural e reserva a túa escapada Outono Gastronómico!

MODALIDADES A ESCOLLER

Tes varias formas de vivir esta experiencia única:

• Menú Outono Gastronómico: entrante, primeiro, segundo, sobremesa e viño con Denominación de Orixe galega. Prezo: 37,50 €/persoa.
• Paquete Outono Gastronómico: inclúe o menú + noite en casa rural (venres ou sábado) con almorzo. 165 €/2 persoas en habitación dobre.
• Fin de Semana Outono Gastronómico: dous menús + dous almorzos por persoa e dúas noites de aloxamento (venres e sábado). 260 €/2 persoas en habitación dobre.
• Fin de Semana Familiar Outono Gastronómico: menús para maiores e pequenos, aloxamento e almorzos para toda a familia.
  310 € (2 adultos + 1 neno/a, ata 14 anos)
  360 € (2 adultos + 2 nenos/as, ata 14 anos).
• Outono Plus: para quen queren máis que comer ben: paseos a cabalo, sendeirismo, canoa, visitas culturais e moito máis.

Este ano participan máis de 80 casas rurais en toda Galicia. Descúbrea na Guía.

PARTICIPA NOS SORTEOS

Entre o 22 de setembro e o 6 de novembro, Turismo de Galicia sorteará 7 fins de semana gastronómicos para dúas persoas a través de Facebook e Instagram.
Só tes que seguir as contas oficiais, responder á pregunta semanal e… ¡cruzar os dedos!

Consulta todos os detalles nas bases legais do sorteo.

POR QUE NON PODES PERDELO?

Porque o Outono Gastronómico non é só gastronomía (que tamén). É saborear Galicia cos cinco sentidos:

• Pratos tradicionais con produtos de tempada.
• Contornas rurais que invitan á calma.
• Experiencias para compartir con quen máis queres (ou contigo mesmo, que tamén sabe ben).

Este outono, ven a descubrir, brindar e saborear. ¡Vive con nós o Outono Gastronómico en Galicia!

Cada cidade estará representada por un restaurante e o seu chef gañador, quen defenderá as súas propostas en formato showcooking, diante do xurado e do público.

Ferrol – Bacelo

Desde a cidade departamental, o restaurante Bacelo, con Álex Martínez e Mar Lago á fronte, chegará tras a súa vitoria no certame ferrolán. Bacelo aposta por unha cociña contemporánea con moito arraigamento local, onde o produto e a técnica danse a man. Ferrol, cidade de historia naval, tamén empeza a soar con forza no mapa gastro galego.

A Coruña – AMA Italiana Contemporánea

Vincenzo Amaddeo, chef de AMA, representará unha fusión única entre Galicia e Italia. A súa cociña elegante e creativa conquistou A Coruña cunha proposta que mestura sabores do sur de Europa e mimo pola estética. A cidade herculina conta cunha gran gastronomía urbana.

Santiago de Compostela – O Sendeiro

Alejandro Ferreiro, do restaurante compostelán O Sendeiro, presentará unha tapa sofisticada baseada en produto de tempada, coa que xa arrasou en Santiago(é)Tapas. A súa cociña combina sensibilidade e técnica, nunha cidade onde tradición e vangarda conviven entre pedras centenarias.

Pontevedra – O Cafetín da Alameda

Rubén González, do coñecido Cafetín da Alameda, defenderá a creatividade pontevedresa cunha tapa colorista e chea de sabor. Pontevedra, peonil, amable e en pleno auxe, posicionouse como unha das cidades máis dinámicas en canto a oferta gastronómica.

Vigo – A Marciana

Desde a cidade olívica chegará Daniel Bastos, da Marciana, cunha proposta audaz e mariña, gañadora do concurso O Petisquiño. A Marciana representa esa nova onda de cociñeiros vigueses que combinan frescura, risco e amor polo Atlántico.

Ourense – A Feira

Paco Gómez, alma mater da Feira Polbeira S.A., trasladará ao certame a esencia da cociña ourensá cun toque de autor. A tapa, baseada en tradición reinventada, será unha declaración de principios: sabor, memoria e produto. Ourense, famosa polo seu polbo, abrirase camiño con forza entre propostas máis vangardistas.

Lugo – Orixe do Campo

José Luís Pardo e Auriana Macías, de Orixe do Campo, chegarán desde Lugo cunha tapa que fala de ruralidad, sustentabilidade e cociña de proximidade. Este novo restaurante irrompeu con forza, sendo un reflexo da evolución culinaria dunha cidade tradicionalmente vinculada á carne e a horta.

A Gala deste ano será moito máis que unha competición: será unha mostra do enorme potencial da cociña galega en pequeno formato, da creatividade dos seus chefs e da riqueza das súas cidades. Galicia servirase agora tamén… en tapas.