TURGALICIA PRESENTA A OFERTAR TURÍSTICA DE GALICIA NO SALON DES VACANCES DE BRUXELAS

A Comunidade galega pechou a súa participación na feira de termalismo Thermalies con numerosos contactos entre operadores turísticos e público final

A Xunta de Galicia, a través de Turgalicia, dependente da Secretaría Xeral para o Turismo, presentará a oferta turística de Galicia entre os días 3 e 7 de febreiro na feira Salón des vacances de Bruxelas. Trátase do certame turístico máis importante de Bélxica e conta con máis de 50 anos de historia.

Turgalicia participará nesta feira con dous mostradores dentro do stand xeral de Turespaña, a través dos que difundirá a oferta turística global de Galicia na capital belga.

A Sociedade de Imaxe e Promoción Turística de Galicia promocionará neste certame turístico a oferta xeral da Comunidade galega, facendo especial fincapé na marca Galicia, gárdasme o segredo? e os novos produtos turísticos creados baixo o paraugas desta.

Thermalies 2012
Por outra parte, a Xunta de Galicia, a través de Turgalicia, pechou a súa participación no certame de promoción do Turismo termal Thermalies, que se desenvolveu a pasada semana en París, con numerosos contactos entre operadores turísticos franceses e público xeral.

Xunto a máis de 300 expositores especializados en termalismo, talasoterapia e spas, Turgalicia presentou nun stand propio as múltiples posibilidades turísticas de Galicia no eido termal.

Da man da entidade pública de promoción do Turismo galego, acudiu a Asociación de Balnearios de Galicia, que desprazou un equipo comercial para intensificar o labor de promoción dos balnearios galegos.

Ademais, houbo representación comercial dos hoteis con oferta de talasoterapia que prepararon ofertas especiais para promover a venda directa aproveitando a presenza de público interesado por Galicia.

Deixar una contestación

O teu enderezo electrónico non se publicará Os campos obrigatorios están marcados con *