Visita ao conxunto arquitectónico de Torres do Allo

Se falamos de elementos propios de Galicia, está claro que os pazos se merecen unha mención especial. Trátase dun rico patrimonio monumental que se estende por toda a comunidade autónoma e que forma parte xa da nosa personalidade. No municipio de Zas, provincia da Coruña, encontrase o conxunto arquitectónico de Torres do Allo. Considerado un dos pazos máis antigos e un gran exemplo do que era a vida nobiliaria galega.

A súa construción remontase a finais do século XV e débese á familia Gomes de Rioboo. Trala destrución da fortaleza dos Altamira por parte dos Reis Católicos, a familia comeza a construción do que sería un dos primeiros pazos galegos.

Co paso dos anos, os distintos descendentes e herdeiros do patrimonio familiar, amplían o conxunto coa edificación da Torre Norte e outras construcións anexas como hórreos, muíños, alboios, o xardín barroco, a fonte de San Ramón, as casas do Curro, etc… E mesmo, a ampliación da casa familiar.

A vista actual do conxunto componse de dúas torres unidas polo núcleo do edificio de dúas plantas. A súa fachada, de importante valor artístico e histórico, destaca polos elementos decorativos como o escudo de armas da familia ou as gárgolas de desaugadoiro que aportan maxestosidade ao conxunto. Pola súa parte, o acceso ao pazo é un auténtico espectáculo. Unha sucesión de carballos centenarios dánnos a benvida ao lugar.

Cerca, a uns poucos metros, encóntrase a Igrexa de San Pedro do Allo construída no século XVI. Entre outras cousas, a ermida chama a atención polo seu atípico campanario lateral. Un tipo de construción escasísima na arquitectura relixiosa galega. Ademais, paga a pena visitar este santuario para contemplar as dúas figuras de Adán e Eva que custodian a súa entrada principal.

Non menos relevante, resulta o seu xardín de estilo barroco do século XVIII ou a fonte de San Ramón. Na parte traseira das Torres do Allo pódese gozar dun agradable paseo entre maceiras e un gran abeto de Vancouver de máis de 20 metros de alto. En canto á fonte, esta encóntrase escondida no soto do Allo. Trátase dun manancial de auga fresca labrado en granito con dous caños presididos pola figura de San Ramón. É decir, un enclave ideal para repousar mentres escoitamos os sons da auga e do monte.

Para coñecer en profundidade esta marabilla, o máis sinxelo e botar unha ollada á información que proporciona a súa páxina web oficial (https://torresdoallo.gal/ ) e reservar un día na axenda para visitalo. Non perdas a oportunidade de admirar este edificio histórico, que permite a entrada de balde.

Deixa unha resposta

O teu enderezo electrónico non se publicará. Os campos obrigatorios están marcados con *