Souto da Retorta

Souto da Retorta
Souto da Retorta

O Avó de Chavín poida que sexa a árbore máis alta de España e unha das de maior envergadura de Europa, pero sen dúbida é o eucalipto máis grande de Galicia. Na súa declaración oficial como Monumento Natural, xunto con outros 600 exemplares do Souto da Retorta tamén de grandes dimensións, calcúlanselle 61,78 metros de altura e 7,55 de perímetro. Outras medicións elévano por riba dos oitenta metros.

Os eucaliptos centenarios de Chavín foron plantados a partir de 1860 para drenar os terreos baixos como protección contra as enchentes. As ribeiras do río Landro forman parte da historia natural da comunidade, onde seguindo con datos oficiais preto da metade da súa superficie total está arborada.

O espazo limítase ademais por varias canles históricas como a da antiga fábrica da luz de Chavín. A rede fluvial do Landro conserva tamén á súa beira mostras de vexetación autóctona, por exemplo a área boscosa chamada Val do Naseiro, e lugares de interese como a fervenza do Pozo da Ferida (río Loureiro) cun desnivel de trinta metros de altura.

Situación – Na parroquia de Chavín, concello de Viveiro (Lugo).

Superficie – 3,19 ha.

Acceso – A seis quilómetros de Viveiro pola estrada cara a Mondoñedo (LU-540) e desvío a Chavín (LU-161).

Servizos – Aloxamento e comida nos arredores e en Viveiro.

Equipamentos –  Paneis informativos.

Outros espazos naturais relacionados / próximos: 

  • LIC “Costa da Mariña Occidental” LIC “Río Landro”
  • LIC “Monte Maior”
  • LIC “ Serra do Xistral”


View Larger Map

Deixar una contestación

O teu enderezo electrónico non se publicará Os campos obrigatorios están marcados con *