Monte e Lagoa de Louro

Monte e Lagoa de Louro

Monte e Lagoa de Louro
Monte e Lagoa de Louro

Situación
Concellos de Carnota e Muros (A Coruña).

Superficie
1.160,88 ha das cales 491 ha de augas mariñas.

Acceso
A estrada AC-550 Noia-Cee limita o espazo protexido.

Servizos
Aloxamento: Si. Comer: Si.

Máis información
Turismo mariñeiro Mar de Lira (Tel.: 981 761 252 – 636 294 796).

Equipamentos
Centro de Interpretación Paisaxística (A Cabana-Lira).

Outros espazos naturais relacionados / próximos:
LIC “Carnota-Monte Pindo” LIC “Esteiro do Tambre”

Mar gran reserva

Monte Louro (241 m) agroma solitario na punta norte da entrada á ría de Muros e Noia. Toda a paisaxe que se estende aos seus pés está dotada dunha gran forza interior. Por mar, Reserva Mariña de Interese Pesqueiro promovida pola Confraría de Lira (Carnota). Por terra, Punto de Interese Xeolóxico de importancia nacional. Na superficie é un treito aberto ao mar dotado de elementos afortunados: lagoa, praias, coídos, faros e horizonte.

A lagoa das Xarfas está pechada ao mar polas dunas da praia de Area Maior, máis coñecida como Praia de Louro. A zona húmida rodéase dun pequeno bosquete inundable pois nas épocas máis chuviosas o regato que a alimenta énchea ata os dous metros de profundidade.

Xunto a lagoa ábrese a branca praia ao pé do monte. En conxunto é unha perfecta postal paradisíaca. Séguenlle outros areais finos de augas batidas e frías como o de Ancoradoiro/Lariño, cun piñeiral adxacente e faro. Pero tamén toda unha sucesión de rochedos entre os que quizais o máis famoso sexa o Simprón.

Entre as iniciativas pioneiras en Galicia cóntase a do turismo mariñeiro para a revalorización da pesca artesanal e a creación dunha reserva mariña.


View Larger Map

Deixar una contestación

O teu enderezo electrónico non se publicará Os campos obrigatorios están marcados con *