Costa da Mariña Occidental

Costa da Mariña Occidental

Costa da Mariña Occidental
Costa da Mariña Occidental

Situación
Costa da provincia de Lugo. Concellos do Vicedo, Viveiro, Xove e Cervo.

Superficie
487,58 ha.

Acceso
Comunican as localidades principais as estradas LU-862 e N-642. Desvíos locais pola costa. Non existe transporte marítimo de pasaxeiros a ningunha das illas.

Servizos
Aloxamento: Si. Comer: Si.

Outros espazos naturais relacionados / próximos: 
Monumento Natural “Souto da Retorta” LIC “Río Landro”
LIC “Monte Maior”
LIC “Estaca de Bares”

Mar de ardora

A illa Coelleira (O Vicedo), ao oeste, e a illa de Sarón (Xove), ao leste, son os límites insulares deste espazo que protexe ademais unha estreita franxa costeira entre a ría do Barqueiro e Xove. Zona acantilada prolongada en illotes onde só medra a vexetación das pendentes rochosas que contrasta en verde coa estilizada branca orla litoral. A masa granítica féndese en multitude de covas e grutas naturais de tan fermosa contemplación como difícil ou imposible acceso. Nas enseadas hai lugar para os coídos e praias solitarias, algunhas de ben gañada reputación estival como Arealonga (1,3 km) e Areagrande (0,8 km).

Unha visita a este espazo natural débese completar co encanto do Porto do Barqueiro e coa monumentalidade da vila de Viveiro

Sen dúbida, as raíñas deste territorio son as aves mariñas. Catro mil parellas de gaivotas patiamarela poboan os illotes e cantís, pero o reconto amplíase considerablemente a unha multitude de especies observables nos períodos migratorios.


View Larger Map

Deixar una contestación

O teu enderezo electrónico non se publicará Os campos obrigatorios están marcados con *